दैलेखको जिसस प्रमुखमा कांग्रेसको आधिकारिक उम्मेदवारविरुद्ध बागी

सफल खबर संवाददाता

विहीबार, २६ जेठ २०७९, ०९ : ५३
दैलेखको जिसस प्रमुखमा कांग्रेसको आधिकारिक उम्मेदवारविरुद्ध बागी

सुर्खेत । जिल्ला समन्वय समिति (जिसस) दैलेखको निर्वाचन विवादित भएको छ ।  विवादित बन्‍नुको कारण जिसस प्रमुखमा प्रमुख र एक सदस्यमा बागी उम्मेदवारी पर्नु हो । 

जिसस दैलेखको प्रमुख पदमा नेपाली कांग्रेसका आधिकारिक उम्मेदवारविरुद्ध बागी उम्मेदवारी परेको छ ।  बागी उम्मेदवारी खारेजको माग गर्दै निर्वाचन अधिकृतको कार्यालयमा उजुरी परेको छ । 

जसका कारण आज जेठ २६ गते हुने भनिएको मतदानसमेत अन्योलमा परेको छ । कांग्रेसको आधिकारिक उम्मेदवार दुर्गाकुमारी श्रेष्ठ हुन् भने बागी उम्मेवदार नमराज शाही हुन् ।

श्रेष्ठले शाहीको उम्मेदवारी खारेजीको माग गर्दै उजुरी दिएकी छिन् । जिससको निर्वाचन निर्देशिका २०७४ को दफा १८ मा कुनै एक दलबाट निर्वाचित व्यक्ति अर्को दलबाट जिसस प्रमुख, उपप्रमुख वा सदस्य पदमा उम्मेदवार हुन नपाउने कानुनी व्यवस्था छ । 

प्रतिक्रिया दिनुहोस