कांग्रेसले संसदलाई बन्धक बनायो, देशलाई उल्टो बाटोमा हिँडायो: ओली

काठमाडौं । नेकपा एमालेका अध्यक्ष केपी शर्मा ओलीले नेपाली कांग्रेसको षड्यन्त्रमा राजनीतिलाई उल्टो बाटोमा हिँडाइएको बताएका छन् । पार्टी कार्यालय च्यासलमा आयोजित पत्रकार सम्मेलनमा बोल्दै ओली कांग्रेसप्रति खनिएका हुन् ।

उनले संसदीय मूल्यमान्यता कुल्चिएर परमादेशबाट सरकार बनाइएको बताए । उनले कांग्रेसको नेतृत्वमा अदातलमा हस्तक्षेप भएको आरोप लगाए । कांग्रेसले संसदलाई बन्धन बनाएको आरोप पनि ओलीले लगाए । 

सुशासन र विकासको मार्गमा तीव्र रूपले अघि बढिरहेको देशलाई व्यवधान खडा गरेर यथास्थितिमा राख्न, पछाडि फर्काउनका लागि काँग्रेस लागिपरेको बताउदैं उनले राष्ट्रियता, लोकतन्त्र र जनताप्रतिको कर्तव्यवोधमा कमजोर रहेका तत्वहरूलाई खोज्ने र त्यस्ताको साथ सहयोग लिएर उल्टो हिडाएको आरोप लगाए ।