म्यानचेस्टर सिटीले अंक बाँड्दा आर्सनल प्रिमियर लिग च्याम्पियन

एजेन्सी । म्यानचेस्टर सिटी बर्नमाउथसँग १–१ को बराबरीमा रोकिएपछि आर्सनलले २१ वर्षपछि इंग्लिस प्रिमियर लिगको उपाधि जितेको छ । 

आर्सनल सन् २००४/०५ को सिजनमा प्रिमियर लिग च्याम्पियन बनेको थियो । आर्सनल १४औँ पटक लिग च्याम्पियन बनेको हो । 

सिटीलाई लिग सम्भावना जिवितै राख्न यो खेल जित्नै पर्ने दबाब थियो । तर, बोर्नमाउथले लगातार १७औँ लिग खेलमा अपराजित यात्रा कायम राख्दै सिटीलाई रोक्यो । यससँगै बर्नमाउथले पहिलोपटक युरोपा लिगमा स्थान पनि सुरक्षित गरेको छ ।

पछिल्ला तीन सिजन दोस्रो स्थानमा सीमित भएको मिकेल आर्टेटाको टोली आर्सनलले अन्ततः ६ वर्षको उपाधि खडेरी पनि अन्त्य गरेको छ । टोलीले पछिल्लो पटक सन् २०२० मा एफए कपको उपाधि जितेको थियो ।

मंगलबार भिटालिटी रंगशालमा एली जुनियर क्रुपीले ३८औँ मिनेटमा गोल गर्दै घरेलु टोली बर्नमाउथलाई अग्रता दिलाएका थिए । इन्जुरी समयमा एर्लिङ हालान्डले सिटीका लागि बराबरी गोल फर्काएका थिए ।