काठमाडौं । नेपाली काँग्रेसको केन्द्रीय समिति बैठकमा सभापति शेरबहादुर देउवाले चुनावी गठबन्धन गर्न हुन्न भन्ने नेताको सातो लिएका छन् ।
चिवतनका नेता तथा हालैको महाधिवेशनबाट केन्द्रीय सदस्य बनेका दिनेश कोइरालालाई देउवाले थर्काएका हुन् ।
कोइरालाले गठबन्धनको विपक्षमा धारणा राखेपछि कांग्रेस सभापति शेरबहादुर देउवा आक्रोशित बनेका थिए । देउवाले सक्छौ भने एक्लै क्याम्पसको चुनाव देखाउ भन्दै आक्रोश पोखेका थिए ।
‘क्याम्पसमा चुनाव जित्नुहुन्न। कहीँ कतै जित्नुहुन्न। खालि हामी बलियो छौं भन्नुहुन्छ। अनि गठबन्धनको विरोध गर्नुहुन्छ’, देउवाले भनेका थिए ।
‘एक्लै भिड्नुपर्छ। यदि कहीँ गठबन्धन गर्नुपर्यो भने स्थानीय स्तरबाटै त्यहाँको आवश्यकता र चाहना छलफल गरेर मात्रै गर्नुपर्छ। केन्द्रबाट लादिनुहुँदैन’ कोइरालाको भनाइ थियो।
उनले एमाले र माओवादी फुटेकाले काँग्रेस नै बलियो भएको धारणा राखेका थिए । ‘यतिबेला पनि कांग्रेस सिंगल लडेन भने कहिले लड्नेरु ?’ भन्ने उनको प्रश्न थियो। उनले चितवनमा यसअघि पनि गठबन्धनको विरोध गर्दै आएका थिए ।
प्रतिक्रिया दिनुहोस
सफल खबर संवाददाता
शुक्रबार, ११ चैत्र २०७८, २१ : २४
लेखकबाट थप
सम्बन्धित समाचारहरु
एमालेलाई देउवाको प्रश्न : मदन भण्डारीको हत्यारा पत्ता लगाउन काँग्रेसले रोक्या छ ?
प्रदेश प्रमुखले संविधान विपरीत काम गरिरहेको कांग्रेसको निष्कर्ष
कांग्रेस सहकारी पिडितको पक्षमा दृढतापूर्वक उभिन्छ, सरकार गैरजिम्मेवार भयो : देउवा
एक ढिक्का भई अगाडि बढ्न सभापति देउवाको आग्रह
होलीले सामाजिक सद्भाव अभिवृद्धि गर्न प्रेरित गर्न सकोस् : देउवा
शेरबहादुर देउवा पुगे माधव नेपाल निवास