कम्युनिस्टहरुको दोधारे कुराले जनतामा गलत सन्देश गयोः प्रकाशमान सिंह

काठमाडौं । काँग्रेस नेता प्रकाशमान सिंहले कम्युनिस्टहरुको दोधारे कुराले जनतामा गलत सन्देश गएको जिकिर गरेका छन् । आइतबार नेपाली काँग्रेस काठमाडौँ क्षेत्र नम्बर १ को ‘घर घर जाऊ काँग्रेस जिताउ अभियान’ अन्तर गत बुद्धधनगरमा आयोजित कार्यक्रममा बोदै नेता सिंहले कम्युनिस्टले फैलाएको भ्रमलाई चिर्न घरघरमा पुगेर नागरिकलाई बुझाउनुपर्ने बताए । 

‘कम्युनिस्ट पार्टीका दोधारे कुराले नागरिकमा गलत सन्देश गएकाले  त्यस्ता गलत हल्ला को वियमा नागरिकसामू गएर बुझाउनु पर्ने अवस्था आएको छ’, उनले भने, ‘कम्युनिस्ट नेताहरु जनतासामू एउटा र अन्तर्राष्ट्रिय जगतमा अर्को कुरा गर्न माहिर रहेका छन् ।’

यो कुरा बुझाउन काँग्रेस लागिपर्नुपर्ने उनको जोड छ ।  सिंहले जुनसुकै छिमेकी मुलुकले दिने सहयोग देश र जनताको हितमा छ भने स्वीकार गर्न सकिने बताए । अर्को प्रसंगमा उनले चुनाव नजिकिँदै गर्दा टिकटको आशा राख्नु स्वाभाविक भएपनि उमेदवार हुन टिकट पाउन पार्टीको वैधानिक प्रक्रिया सबैले पालना गर्नुपर्ने बताए ।