काठमाडौं । पछिल्लो एक सातामा नेप्से परिसूचकमा उच्च अंकले गिरावट आएको छ ।नेप्से यो सातामा तीन दिन मात्रै कारोबार भएको छ । तीन दिनको कारोबारमा नेप्से परिसूचक ११४ दशमलव ०४ अंकले गिरावट आएको छ । गत हप्ताको बुधबारदेखि नेप्सेमा निरन्तर रूपमा गिरावट आएको छ ।
नेप्से परिसूचकमा गत साताको अन्तिम कारोबारको दिन बिहीबार २ हजार ६६१ दशमलव ४४ विन्दुमा रोकिएको थियो । यो साताको बुधबार कारोबारसम्मको कारोबारमा ६३ अंक भन्दा बढीले गिरावट आएर २ हजार ५४७ दशमलव ०४ विन्दुमा खुम्चिएको छ ।
प्रतिशतका हिसाबले हेर्दा पछिल्लो तीन दिनको कारोबारमा नेप्से परिसूचक ४ दशमलव ३ प्रतिशत गिरावट आएको छ । साताको पहिलो कारोबारको दिन आइतबार नेप्से परिसूचक ७ दशमलव ७३ अंक घटेको थियो ।
आइतबार सेन्सेटिभ इण्डेक्स शून्य दशमलव ७३ अंक, फ्लोट इण्डेक्स शून्य दशमलव ६९ अंक र सेन्सेटिभ फ्लोट इण्डेक्स शून्य दशमलव ४६ अंक घटेको थियो । उक्त दिन कारोबारमा आएका २२४ कम्पनीको ७० लाख ४० हजार कित्ता शेयर ३ अर्ब २७ करोड ३० लाख ६५ हजार रुपैयाँ बराबरको कारोबार भएको थियो ।
त्यस्तै सोमबार पनि नेप्से परिसूचक १ दशमलव ६२ प्रतिशतले घटेर २ हजार ६१० दशमलव ६० विन्दुमा झरेको थियो । यस दिन कारोबारमा आएका २२७ कम्पनीको ७८ लाख ३४ हजार कित्ता शेयर ३ अर्ब ६६ करोड १ लाख ८९ हजार रुपैयाँ बराबरको खरिदबिक्री भएको थियो ।
मंगलबार महाशिवरात्री भएकाले बन्द भएको नेप्से बुधबार ६३ भन्दा बढी अंकले घटेर २ हजार ५४६ दशमलव ६० विन्दुमा झरेको छ । त्यस्तै, सेन्सेटिभ इण्डेक्स ११ दशमलव ५२ अंक, फ्लोट इण्डेक्स ४ दशमलव ३७ अंक र सेन्सेटिभ फ्लोट इण्डेक्स ३ दशमलव ६१ अंकले गिरावट आएको छ ।
बुधबार कारोबारमा आएका २२८ कम्पनीको ७६ लाख ५२ हजार कित्ता शेयर ३ अर्ब ६२ करोड ११ लाख रुपैयाँ बराबरको खरिदबिक्री भएको छ । बिहीबार शेर्पा समुदायले मनाउने ग्याल्पो ल्होसारमा सरकारले सार्वजनिक विदा दिएकाले नेप्से कोरोबार पनि बन्द रहेको छ ।
बुधबारसम्म तेब्बर अंकले गिरावट आएको शेयर बजारमा लगानीकर्ताले १ खर्ब ६२ अर्ब २ करोड अधिक पुँजी गुमाएका छन् । गत साताको अन्तिम कारोबारसम्म ३७ खर्ब ६९ अर्ब ६३ करोड रुपैयाँ रहेको कुल बजार पुँजीकरण बुधबारको कारोबारपछि ३६ खर्ब ७ अर्ब ६० करोड रुपैयाँमा सीमित भएको छ ।
प्रतिक्रिया दिनुहोस
सफल खबर संवाददाता
विहीबार, १९ फागुन २०७८, १४ : ३५
लेखकबाट थप
सम्बन्धित समाचारहरु
सेयर बजारमा ४ अंकको वृद्धि, कारोबार रकम पनि बढ्यो
आज दोहोरो अंकले घट्यो नेप्से
प्रि ओपन सेसनमा नेप्से सामान्य बढ्यो
सेयर बजार १७ अंकले घट्यो
साताको सेयर बजार– परिसूचकसँगै घट्यो कारोबार रकम
सामान्य अंकले घट्यो नेप्से परिसूचक