प्यार रोप्दा पीर पाए गीति गजल गाए
विश्वासको सगरमाथासँग प्रीत लाए ।
काँडा सँगै फुले पनि काँडा हुन्न फूलमा
मान्छे कस्तो हुन्थ्यो होला त्यस्तै हुन पाए ।
_20231127105311.gif)
ओत लाग्न कहाँ जाने ? ढले वर पिपल
फेला पारे बोधिवृक्ष छहारीमा आए ।
आफैंलाई नियालेर आफ्नै म सिंगारे
दूईटा छुट्टै अनुभूति पद्यमा सजाए ।
कहाँ छेकेर छेकिन्छ हत्केलाले सूर्य
काम गर्ने हात रुक्न नपर्ने बताए ।
( बोधिवृक्षको छायामा )
प्रतिक्रिया दिनुहोस