प्रधानन्यायाधीशविरुद्ध महाअभियोग लगाएर निर्वाचन सार्न खोजिएको छ : ओली

काठमाडौं । नेकपा एमालेका अध्यक्ष केपी शर्मा ओलीले सत्तारुढ दलले प्रधानन्यायाधीश चोलेन्द्रशमशेर जबराविरुद्ध दर्ता गरेको महाअभियोग स्थानीय निर्वाचन नगराउने षड्यन्त्र भएको बताएका छन । 

संसद भवन नयाँ बानेश्वरमा जारी एमाले संसदीय दलको बैठकलाई सम्बोधन गर्दै नेता ओलीले महाअभियोग प्रस्ताव गलत भएको बताएका हुन ।  उनले सत्तारुढ गठबन्धन ५ दलविरुद्ध एमाले एक हुन सांसदहरुलाई निर्देशन समेत दिएका बैठकमा सहभागी सांसदहरुले बताएका छन् ।

त्यस्तै एमसीसीसहितको विषयमा एमालेलाई अन्तर्राष्ट्रिय रुपमा बेइज्जत गर्न गठबन्धनले काम गरिहेको पनि अध्यक्ष ओलीको आरोप छ । सरकारको गतिविधि विरुद्ध जनसंघर्ष गर्ने उहाँले बताए।