स्वास्थ्य सतर्कता र पूर्वतयारीबारे जिल्ला प्रशासनमा छलफल

काठमाडौं । कोरोना संक्रमणको जोखिम फेरि बढ्न थालेपछि त्यसको रोकथाम र नियन्त्रणका उपायबारे काठमाडौं उपत्यकाका तीनवटै जिल्ला प्रशासन कार्यालयका अधिकारीहरू आन्तरिक छलफलमा जुटेका छन् ।

कोरोना संक्रमितको संख्या क्रमशः बढ्दै गएपछि पूर्वसतर्कता अपनाउनेबारे तीनवटै जिल्ला प्रशासन कार्यालयका अधिकारीले छुट्टाछुट्टै आन्तरिक तयारी अघि बढाएका हुन् ।

कोरोना संक्रमण बढ्दै गएमा प्रशासनको भूमिका कस्तो हुनुपर्दछ भन्ने विषयमा सोच्ने, विगतको समीक्षा गर्ने र सम्भावित उपायबारे कुराकानी हुने क्रम शुरू भएको प्रशासनका अधिकारीहरू बताउँछन् । यद्यपि यी कुराकानी प्रारम्भिक किसिमको रहेको बताइएको छ ।  नेपाल समाचारपत्रमा खबर छ ।