ओलीलाई बाबुरामको जवाफ : मानुषी अध्ययनको लागि बेलायत गएको प्रमाणित गर्नूहोस्

काठमाडौं । जनता समाजवादी पार्टीका संघीय परिषद् अध्यक्ष तथा पूर्वप्रधानमन्न्त्री डा बाबुराम भट्टराईले नेकपा एमाले अध्यक्ष केपी शर्मा ओलीलाई आफ्नो छोरी मानुषी अध्ययनको लागि बेलायत गएको प्रमाणित गर्न चुनौती दिएका छन् । 

आइतबार राजधानीमा आयोजित एक कार्यक्रमा पूर्वप्रधानमन्त्री ओलीले भट्टराईलाई कहाँको आम्दानीले छोरीलाई बेलायत पढाएको भनेर प्रश्न गरेका थिए । ओलीले भट्टराईले छोरीलाई ठूलो खर्चमा बेलायत पढाएको दावी गरेका थिए ।

डा भट्टराईले ट्वीट गर्दै ओलीलाई जवाफ फर्काएका थिए । उनले ट्वीटमा ओलीलाई भनेका छन्, ‘जनयुद्धकालपूर्व नै छोरी मानुषी सात वर्ष हुँदा आमा हिसिलासँग बेलायत गएकी थिइन्, त्यसयता बेलायत पढ्न गएकी भन्नेकुरा प्रमाणित गरेर देखाउनूस् ।’