बाढीपहिरो पीडितका लागि सरकारले राहत प्याकेज ल्याउछ : प्रधानमन्त्री देउवा

धनगढी । प्रधानमन्त्री शेरबहादुर देउवाले बाढीपहिरो पीडितका लागि सरकारले राहत प्याकेज ल्याउने बताएका छन् ।

कैलालीको धनगढीमा आज बिहान आयोजित पत्रकार सम्मेलनमा प्रधानमन्त्री देउवाले काठमाडौं फर्किएपछि राहत प्याकेज घोषणा गर्ने बताए ।

बाढी पहिरो प्रभावित सुदूरपश्चिम क्षेत्रको भ्रमणका लागि प्रधानमन्त्री देउवा बिहीबार यता आएका थिए । उनी (आज) शुक्रबार धनगढी हुँदै काठमाडौं फर्किंदैछन् ।

बैशाखमा अर्ली इलेक्सनको बहस चलिरहेको बेला पत्रकारहरूले राखेको जिज्ञासामा प्रधानमन्त्री देउवाले त्यसबारे सत्ता गठबन्धनका नेताहरुसँग परामर्श गर्ने बताएका छन् ।