प्रधानमन्त्री शाहलाई देउवाले दिए बधाई

काठमाडौँ । नेपाली काँग्रेसका पूर्व सभापति तथा पूर्व प्रधानमन्त्री शेरबहादुर देउवाले नवनियुक्त प्रधानमन्त्री बालेन्द्र शाह(बालेन)लाई बधाई दिएका छन् ।

प्रधानमन्त्रीमा नियुक्त भएका राष्ट्रिय स्वतन्त्र पार्टीका वरिष्ठ नेता शाहलाई बधाई दिँदै देउवाले सफल कार्यकालको शुभकामना व्यक्त गरेका हुन् । उनले मन्त्रिपरिषद्का सदस्यहरूलाई समेत बधाई दिँदै कार्यसम्पादनमा सफलता मिलोस् भन्ने कामना गरेका छन् ।

देउवाले भनेका छन्, “राष्ट्रिय स्वतन्त्र पार्टीका वरिष्ठ नेता बालेन्द्र शाह प्रधानमन्त्रीमा नियुक्त हुनु भएकोमा हार्दिक बधाई तथा सफल कार्यकालको शुभकामना व्यक्त गर्दछु । साथै, आजै नियुक्त हुनु भएका सबै मन्त्रिपरिषद्का सदस्यहरूलाई पनि बधाई तथा सफलताको शुभकामना ।”