गृहमन्त्रीलाई प्रधानमन्त्रीको निर्देशन - बाढीपहिरो प्रभावितहरुलाई तत्काल उद्दार गर्नू

काठमाडौं । प्रधानमन्त्री शेरबहादुर देउवाले देशका विभिन्न क्षेत्रमा बाढीपहिरो र डुबानबाट प्रभावितहरुलाई तत्काल उद्धार र राहतको व्यवस्था गर्न गृहमन्त्रीलाई निर्देशन दिएका छन् ।

सोमबार बालुवाटार डाकेर प्रधानमन्त्री देउवाले गृहमन्त्री बालकृष्ण खाँणलाई सो निर्देशन दिएका हुन् । ‘सुदूरपश्चिम लगायत मुलुकका विभिन्न क्षेत्रमा अविरल वर्षाका कारण गएको वाढी, पहिरो र डुवानबाट प्रभावितहरुलाई तत्काल उद्दार र राहतको व्यवस्था गर्न गृह मन्त्रीलाई निर्देशन गरेको छु।’ सामाजिक सञ्‍जाल ट्वीटरमार्फत् देउवाले भनेका छन् । विशेषरगी मुलुकको पश्चिम क्षेत्र अविरल वर्षाका कारण गएको बाढी, पहिरो र डुबानमा परेको छ ।