जापानमा नयाँ नेता चयनका लागि मतदान

एजेन्सी । जापानमा सत्तारुढ लिबरल डेमोक्रयाटिक पार्टी (एलडीपी) कोे नयाँ नेता चयनका लागि बुधबार मतदान हुँदैछ । मतदानबाट निर्वाचित नेता देशको प्रधानमन्त्री बन्नेछन् । गत वर्ष प्रधानमन्त्री बनेका योसिहिदे सुगाले आफूले पुनः उम्मेदवारी नदिने बताईसकेका छन् । 

बुधबारको मतदानमा दुई महिलासहित चार जना पार्टी नेताका लागि प्रतिष्प्रर्धा गरिरहेका छन् । पार्टीबाट छनौट हुने नेताले केही साताभित्र हुने आमनिर्वाचनको सामना गर्नुपर्ने हुन्छ ।

पार्टी नेताका लागि तारो कोनो, फुमिओ किशिदा, सानाई ताकाइची र सिको नोडाले प्रतिष्प्रर्धा गरिरहेका छन् । प्रतिष्प्रर्धीमध्ये ५८ वर्षीय कोनो वर्तमान सरकारका खोपमन्त्री हुन् । 

त्यस्तै किशिदा पूर्वविदेशमन्त्री हुन् भने अर्का उम्मेदवार ताकाइची पूर्वहमन्त्री हुन् । अर्का प्रतिष्प्रर्धी नोडा लिबरल पार्टीको भातृ संगठनका नेता हुन् । कोनो आगामी प्रधानमन्त्रीको प्रमुख दाबेदार रहेको विभिन्न सर्वेक्षणले देखाएका छन् ।