एमालेमा आफूहरुलाई दह्रोसँग टेक्नुस् भन्नेले नै आत्मसमर्पण गरेको देख्दा अनौठो लागेको छ : प्रचण्ड

सफल खबर संवाददाता

सोमबार, ०४ असोज २०७८, ११ : ५५
एमालेमा आफूहरुलाई दह्रोसँग टेक्नुस् भन्नेले नै आत्मसमर्पण गरेको देख्दा अनौठो लागेको छ : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले माओवादी पार्टी पनि बिस्तारै एमालेकरण हुदै गएको बताएका छन् । सोमबार सूर्यनाथ रान यादवको स्मृति दिवसको अवसरमा पार्टी कार्यालय पेरिसडाडामा आयोजित कार्यक्रममा बोल्दै उनले सो कुरा बताएका हुन् ।

CG Developers Tansen Cement box

उनले एमालेलाई  झुट, बेइमानी, जालझेल, भष्ट्राचार, पद जसरी नि प्राप्त गर्ने, गुट नै गुट भएको पनि संज्ञा दिए । एमालेका नेताहरु घनश्याम भुसाल, योगेश भट्टराई, गोकर्ण बिष्टलागतय १० जना नेताले आत्मसमर्पण गरेकोमा अनौठो लागेको बताउदैं उनले आफूहरुलाई दह्रोसँग टेक्नुस् भन्नेले नै आत्मसमर्पण गरेको बताए । 

उनले भने, ‘जो वैचारिक भन्थे तिनीहरुले पनि आत्मसमर्पण गरे । केपीको निरंकुशता पनि थाहा छ तिनीहरुलाई । केपी ओली नेपालको एउटा भ्रष्ट र जाली नेता भन्ने उहाँहरुलाई थाहा छ । मलाई उहाँहरुले सिकाएको हो,” उनले भने,“ घनश्याम, योगेश, गोकर्णलगायत १० जनाले सिकाएको हो ओली यस्ता छन् भनेर । दह्रोसँग टेक्नुस् हामी छौं भन्नुहुन्थ्यो । अन्त्यमा सबैले आत्मसमर्पण गर्नुभयो । अनौठो लागेको छ ।”

उनले एमाले अध्यक्ष केपी ओली झुट बोल्न सिपालु भएको आरोप पनि लगाए ।  नेताहरु माधवकुमार नेपाल, झलनाथ खनाललगायत नेताहरु भने ट्रायकमा हिँडेको र आफूहरुले सहयोग पनि गरेको बताए ।