नेकपा माओवादीले गर्‍यो सचिवालय सदस्य उमा भुलेललाई जिम्मेवारी मुक्त

काठमाडौँ । नेपाल कम्युनिस्ट पार्टी (माओवादी) ले पार्टीका सचिवालय सदस्य उमा भुजेल सिलुलाई कारबाही गर्दै सबै जिम्मेवारीबाट मुक्त गरेको छ ।

पार्टीको केन्द्रीय सचिवालय बैठकले उनलाई केन्द्रीय समिति लगायतका सम्पूर्ण जिम्मेवारीबाट हटाउने निर्णय गरेको हो । माओवादी द्वन्द्वकालमा गोरखा जेल ब्रेकरको रूपमा उनी चर्चित छिन् । 

पार्टी महासचिव नेत्रविक्रम चन्द विप्लवद्वारा हस्ताक्षरित विज्ञप्तिमा भनिएको छ, ‘सचिवालय सदस्य कमरेड सिलुले केन्द्रीय समिति बैठकपछि महासचिवसँग गम्भीर छलफल हुँदाहुँदै पार्टी कार्यदिशा, नेतृत्व र जनक्रान्ति विरुद्ध भड्काउवादी गतिविधि सञ्चालन गरेकाले उहाँलाई पार्टीको सम्पूर्ण जिम्मेवारीबाट मुक्त गर्ने निर्णय गरिएको छ ।’