काठमाडौं । पपुवा न्युगिनी (पिएनजी) विरुद्ध नेपालले पहिलो विकेट लिएको छ । ओमानको अल अमिरात क्रिकेट मैदानमा जारी खेलमा नेपालका डेब्यु गरिरहेका तिब्र गतिका बलर बिक्रम सोबले सुरुवाती विकेट लिएका हुन् ।
दोस्रो ओभर लिएका आएका डेब्यु खेलाडी विक्रमले पहिलो बलमा टोनी उरालाई आउट गराएका हुन् । यस अघि नेपालले टस हारेर फिल्डिङ पाएको थियो । दोस्रो ओमर जारी रहँदा पिएनजीले १ विकेट गुमाएर ३ रन जोडेको छ ।
ओपनरद्वय आसिफ शेख र कुशल भुर्तेलसँगै तीव्र गतिका बलर विक्रम सोबले पिएनजीविरुद्ध सिनियर टोलीका लागि डेब्यू गरेका छन् । नेपाली टोलीमा दिपेन्द्र सिंह ऐरी र बिनोद भण्डारीलाई आराम दिइएको छ । दुई खेलको शृंखलामा आज पहिलो खेल भइरहेको छ । दोस्रो खेल शुक्रबार हुनेछ ।
आईसीसी विश्वकप क्रिकेट लिग–२ अन्तर्गत ओमान र अमेरिकासँगको त्रिकोणात्मक एकदिवसीय सिरिजअघि नेपालले पीएनजीसँग खेल्न लागेको हो । नेपालले त्रिदेशीय शृंखला भदौं २८ गते अमेरिका, भदौं २९ गते ओमान, असोज १ गते अमेरिका र असोज २ गते ओमानसँग खेल्नेछ ।
नेपालको टोली
ज्ञानेन्द्र मल्ल (कप्तान) कुशल भुर्तेल, आसिफ शेख (विकेटकिपर), आरिफ शेख, शरद भेषावकर, रोहित कुमार पौडेल, कुशल मल्ल, सोमपाल कामी, पवन सरार्फ, विक्रम सोब र सन्दीप लामिछाने ।
प्रतिक्रिया दिनुहोस
सफल खबर संवाददाता
मंगलबार, २२ भदौ २०७८, ११ : ४१
लेखकबाट थप
सम्बन्धित समाचारहरु
क्रिकेटः मलेसियाविरुद्ध टस हारेर बलिङ गर्दै नेपाल
आयरल्याण्ड ‘ए’विरुद्ध नेपालको उत्कृष्ट शुरूआत
आयरल्यान्ड 'ए'विरुद्ध नेपालले पहिला ब्याटिङ गर्ने
वीरेन्द्रनगरमा क्रिकेट रङ्गशाला र देउडा पार्क निर्माण सुरु
नेपाल र हङकङले आज मैत्रीपूर्ण क्रिकेट खेल्ने
नेपाल ए ले दियो क्यानडा-११ लाई १८२ रनको लक्ष्य