भारतका चर्चित कश्मीरी नेता गिलानीको निधन

एजेन्सी । भारतीय कश्मीरका नेता सैयद अली शाह गिलानीको निधन भएको छ । लामो समयदेखि बिरामी रहेका उनको ९२ वर्षको उमेरमा बुधबार निधन भएको पारिवारले जानकारी दिएको हो ।

भारतीय शासनको विरोधमा रहेका उनी पछिल्लो ११ वर्ष अधिकांश समय घरमै नजरबन्दमा थिए । भारत सरकारले गिलानीको श्रीनगरस्थित घर वरपर तारबारसहित कडा सुरक्षा व्यवस्था गरेको छ ।

स्थानीय सञ्चारमाध्यमहरुका अनुसार कर्फ्यू लाग्न सक्ने तथा इन्टरनेट सेवा पनि बन्द हुन सक्ने उल्लेख छ । गिलानी कश्मीरको पृथकतावादी संगठनहरुको समूह हुर्रियत कान्फ्रेन्सका संस्थापक मध्ये एक हुन् । सो समूह अहिले निष्क्रिय रहेको छ ।