काँग्रेसका युवा नेताहरुले किन भेटे प्रधानमन्त्री देउवा ?

काठमाडौं । नेपाली काँग्रेसका युवा नेताहरुले पार्टी सभापति एवम् प्रधानमन्त्री शेरबहादुर देउवासँग भेटवार्ता गरेका छन् । युवा नेताहरु गगन थापासहित धनराज गुरुङ, चन्द्र भण्डारीलगायतले बालुवाटार पुगेर  देउवासँग  भेटवार्ता गरेका हुन् ।

भेटका क्रममा उनीहरुले सरकारको काम प्रभावकारी बनाउँदै पार्टीलाई पनि सुदृढ बनाएर अघि बढ्न सुझाव दिएको भेटमा सहभागी एक नेताले बताए ।

यस्तै सरकारमा रहँदा पार्टीलाई बद्नाम हुनबाट जोगाउन योजनाबद्ध ढंगले अघि बढ्नुपर्नेमा जोड दिँदै उनले त्यसका लागि आवश्यक पहल गर्न देउवाको ध्यानाकर्षण गराएका थिए ।