नहरमा बेपत्ता युवकको शव २४ घण्टापछि निकालियो

दाङ । दाङको घोराही गयरसोतामा सिँचाइका लागि बनाइएको कृत्रिम जलाशयमा डुबेर बेपत्ता भएका युवकको शव २४ घण्टापछि निकालिएको छ। 

जलाशयमा पौडी खेल्ने क्रममा हिजो बुधवार बिहानदेखि बेपत्ता भएका ३१ वर्षीय लालबहादुर विष्टको शव आज बिहीवार दिउँसो साढे १ बजे सशस्त्र प्रहरी बलको गोताखोर टोलीले निकालेको दाङका प्रमुख जिल्ला अधिकारी रामबहादुर कुरुम्बाङ्गले बताए । 

स्थानीयवासी र प्रहरीले शव निकाल्न नसकेपछि बाँकेको नेपालगञ्जबाट आएको गोताखोरको टोलीले युवकको शव निकालेको हो ।