माधव नेपाल पक्षको स्थायी समिति तथा ओली पक्षको केन्द्रिय समिति बैठक बस्दै

काठमाडौं । नेकपा एमालेका बरिष्ठ नेता माधवकुमार नेपाल समूहको स्थायी कमिटी बैठक बस्दैछ। बैठक भर्चुअल माध्यममा गर्ने तयारी भएको एक नेताले बताए । 

प्रधानमन्त्री शेरबहादुर देउवालाई विश्वासको मत दिएपछि पहिलो पटक स्थायी कमिटी बैठक बसेको हो । नेता नेपाल सहित २२ जनाले प्रधानमन्त्री देउवालाई विश्वासको मत दिएका थिए ।  स्थायी कमिटी बैठकपछि केन्द्रीय कमिटी र सांसदहरुको पनि बैठक बस्ने संभावना रहेको एक नेताले बताए । 

यस्तै, एमाले ओली पक्षको केन्द्रीय समितिको बैठक पनि आज दिउँसो बस्दै छ ।  दिउँसो तीन बजे च्यासलस्थित तुलसीलाल स्मृति भवनमा बैठक बस्ने केन्द्रीय कार्यालय सचिव शेरबहादुर तामाङले बताए । नेताहरुलाई सोधिएको स्पष्टिकरण, संगठन लगायत समसामयिक राजनितिक विषयमा छलफल हुने बताईएको छ ।