झलनाथ खनाललाई देउवाको फोन : निको भएर आउनू, उपचार खर्च सरकारले व्यहोर्छ

सफल खबर संवाददाता

मंगलबार, ०५ साउन २०७८, १९ : ४९
झलनाथ खनाललाई देउवाको फोन : निको भएर आउनू, उपचार खर्च सरकारले व्यहोर्छ

काठमाडौँ । प्रधानमन्त्री शेरबहादुर देउवाले झलनाथ खनालको उपचारमा लागेको खर्च सरकारले व्यहोर्ने बताएका छन् ।फोनमार्फत पूर्वप्रधानमन्त्री एवं एमाले वरिष्ठ नेता झलनाथ खनालको स्वास्थ्य अवस्था बुझ्दै देउवाले स्वास्थ्यलाभको कामना गरेका छन् ।  

माओवादी केन्द्रका अध्यक्ष पुष्पकमल दाहालपत्नी सीताको स्वास्थ्य अवस्था बुझ्न प्रधानमन्त्री देउवा मंगलबार उनको निवास खुमलटार पुगेका थिए । त्यही बेला अध्यक्ष दाहालको फोनमार्फत देउवाले खनालसँग कुराकानी गर्दै उपचार खर्च सरकारले व्यहोर्ने बताएका थिए । मिर्गौलामा समस्या देखिएपछि नेता खनाल भारतको नयाँ दिल्लीस्थित अपोलो अस्पतालमा उपचाररत छन् ।

प्रतिक्रिया दिनुहोस