चीनले नेपाललाई थप १६ लाख खोप अनुदानमा दिने

काठमाडौं । चीनले नेपाललाई थप १६ लाख कोरोना खोप अनुदानमा दिने भएको छ । 

प्रधानमन्त्री शेरबहादुर देउवासँगको भेटमा चिनियाँ राजदूत होउ यान्छीले थप १६ लाख कोरोना खोप उपलब्ध गराउने भएकी हुन् ।सो अवसरमा प्रधानमन्त्री देउवाले चीन सरकारद्वारा नेपाललाई कोरोनाविरुद्धको खोप लगायत आवश्यक सहयोग उपलब्ध गराएकोमा धन्यवाद दिँदै आगामी दिनमा पनि यस्ता सहयोगले निरन्तरता पाउने विश्वास व्यक्त गरे ।