बाबुराम भट्टराईसंगपनि नेता विप्लवले गरे वार्तालाप

काठमाडौं । नेपाल कम्युनिष्ट पार्टीका महासचिव नेत्रविक्रम चन्द (विप्लव) ले पूर्वप्रधानमन्त्री एवं जनता समाजवादी पार्टीका संघीय परिषद अध्यक्ष बाबुराम भट्टराईसंग वार्तालाप गरेका छन् । 

नेता विप्लव पार्टीका नेता धर्मेन्द्र बाँस्तोलासहित भट्टराईको निवासमा टोखामा आज बिहान पुगेर छलफल गरेका छन् ।  भट्टराईका प्रेस सल्लाहकार विश्वदीप पाण्डेका अनुसार समसामयिक राजनीतिक घटनाक्रमबारे कुराकानी भएको हो । 

निवर्तमान प्रधानमन्त्री केपी शर्मा ओलीसँग गरेका सहमति प्रधानमन्त्री शेरबहादुर देउवाबाट पूरा गराउन विप्लवले विभिन्न नेतामार्फत् पहल थालेका छन्। यसअघि विप्लवले नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका वरिष्ठ नेता माधवकुमार नेपाललाई निवासमै पुगेर माग पुरा गराउन कुराकानी गरेका थिए।