माधव नेपालको सुरक्षाकर्मी बढाइयो, ओलीको घटाइयो

सफल खबर संवाददाता

बुधबार, ३० असार २०७८, १६ : ४५
माधव नेपालको सुरक्षाकर्मी बढाइयो, ओलीको घटाइयो

काठमाडौं । प्रधानमन्त्री शेरबहादुर देउवाको सरकारले माधव नेपालमाथि सुरक्षा खतरा बढेको आँकलनसहित सुरक्षाकर्मी बढाइएको छ । नेपालको सुरक्षार्थ खटिएको टोलीको संख्या थप गरिएको स्रोतले जनाएको छ । 

CG Developers Tansen Cement box

नेपाल समूहको सहयोगमा प्रधानमन्त्री भएका शेरबहादुर देउवाले नेपालमाथि सुरक्षा खतरा बढेको आँकलनसहित सुरक्षाकर्मी बढाएका हुनु । देउवा प्रधानमन्त्री भएसँगै नेपाललाई एमाले कार्यकर्ताबाट थ्रेट बढेको सुरक्षा विश्लेषण छ ।

पूर्वप्रधानमन्त्री केपी शर्मा ओलीको सुरक्षामा खटिएको टोलीको संख्या चाहिँ उनी पदमुक्त भएसँगै घटाइएको छ । गृह मन्त्रालयका एक अधिकृतका अनुसार देउवाले अतिविशिष्ट श्रेणीको सुरक्षा पाउनेछन्, जसको नेतृत्व नेपाली सेनाले गर्नेछ । स्रोतका अनुसार देउवाको सुरक्षामा नेपाली सेनाको २ सय, सशस्त्र प्रहरी बलको ३५, नेपाल प्रहरीको ६२ र राष्ट्रिय अनुसन्धान विभागबाट ५ जना खटिनेछन् ।

पूर्वप्रधानमन्त्री ओलीको सुरक्षाबाट चाहिँ पूर्वडीएसपी राजन लिम्बुसहितको टोली मंगलबारै फर्किएको छ । हाल प्रहरी निरीक्षक माधव केसीको नेतृत्वको टोली ओलीसँग छ ।
 

प्रतिक्रिया दिनुहोस