गण्डकी प्रदेशका मुख्यमन्त्री गुरुङले विश्वासको मत लिँदै

काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङले बिहीबार विश्वासको मत लिन लागेका छन् । उनले विश्वासको मत लिनेसम्बन्धी सूचना प्रदेशसभा सचिवालयमा दर्ता गराइसकेका छन् । सो प्रस्ताव आज प्रदेशसभामा गुरुङले पेश गर्नेछन् । 

गत वैशाख २९ गते मुख्यमन्त्रीमा दोस्रो पटक नियुक्त भएका उनले संवैधानिक प्रावधानअनुसार विश्वासको मत लिन लागेका हुन् । प्रदेशसभामा विश्वासको मत लिन असफल भएमा मुख्यमन्त्री गुरुङ पदमुक्त हुनेछन् । 

६० सदस्यीय प्रदेशसभामा एमालेसँग एक स्वतन्त्रसहित जम्मा २८ सांसद छन् । विश्वासको मतका लागि कम्तीमा ३१ सांसदको समर्थन आवश्यक हुन्छ । यस्तै काँग्रेस, माओवादी, जसपा एकातिर हुँदास्वतन्त्र सांसद र जनमोर्चाका विद्रोही सांसदले आफूलाई मत दिने विश्वास उनले लिएका छन् ।