प्रधानमन्त्री र जसपा अध्यक्ष ठाकुर बिच गए राति ४ घण्टा छलफल, जसपाका केही नेतालाई आजै मन्त्री पदको सपथ गराउने तयारी

काठमाडौं । जनता समाजवादी पार्टी (जसपा) को महन्थ ठाकुर पक्ष आज सरकारमा सहभागी हुने सम्भावना प्रबल बनेको छ । जसपाका एक नेताले दिएको जानकारीअनुसार ठाकुर पक्षका केही  नेतालाई आज मन्त्री पदको शपथ गराउने तयारी गरिएको छ ।

हिजो राति चार घण्टा प्रधानमन्त्री निवास बालुवाटारमा जसपाका नेताहरूले प्रधानमन्त्री ओलीसँग छलफल गरेका थिए। त्यसलगत्तै  जसपा अध्यक्ष ठाकुर पुनः बालुवाटार पुगि प्रधानमन्त्री ओली लगायतका नेतासँग सत्ता सहकार्यबारे ४ घंटा छलफलगरेपछि आज केही केही नेतालाई मन्त्री बनाउने तयारीमा ओली सरकार जुटेको छ । 

आठ मन्त्री तथा दुई राज्य मन्त्रीसहित १० जनालाई मन्त्रिमण्डलमा सहभागी गराउने सहमति प्रधानमन्त्री केपी शर्मा ओली र जसपा अध्यक्ष ठाकुरबीच यसअघि नै सहमति भइसकेको छ । यस्तै ५१ सदस्यीय केन्द्रीय कार्यकारिणी समितिमा २६ सदस्यसहित बहुमत जुटाएको दाबी निर्वाचन आयोग समक्ष पेश गर्ने तयारी पनि ठाकुर पक्षले गरेको छ ।