चितवनमा थपियो निषेधाज्ञा, अब २७ गते सम्म लागु हुने

चितवन । चितवनमा दोश्रो पटक थपिएको निषेधाज्ञा भोलि राति १२ बजे सकिदैं गर्दा स्थानिय प्रशासनले थप ७ दिन बढाउने निर्णय गरकेो छ ।जिल्ला भित्र संक्रमण दरमा केही कमी आएपनि प्रशासनले  जेठ २७ गते राति १२ बजेसम्म निषेधाज्ञा थप गर्ने निर्णय गरेको हो ।

जिल्ला कोभिड–१९ संकट व्यवस्थापन केन्द्र (डीसीसीएमसी)ले एक साता निषेधाज्ञा थप्न सिफारिस गरेपछि जिल्ला प्रशासन कार्यालय चितवनले निषेधाज्ञा थप गर्ने निर्णय गरेको हो । 

जिल्ला प्रशासन कार्यालय चितवनले गत वैशाख १६ गतेरातिदेखि लागू हुने गरी वैशाख मसान्तसम्म निषेधाज्ञा जारी गरेको थियो । लगत्तै जेठ १३ गते २० गते राती १२ बजेसम्म लागू हुने गरी निषेधाज्ञा लम्ब्याइएको थियो ।