राष्ट्रपति र प्रधानमन्त्रीको संस्कार र व्यवहार संविधान अनुकुल नबन्दा देश त्यसको दुष्परिणाम भोग्न बाध्य : काँग्रेस सभापति देउवा

सफल खबर संवाददाता

शनिबार, १५ जेठ २०७८, १० : १९
राष्ट्रपति र प्रधानमन्त्रीको संस्कार र व्यवहार संविधान अनुकुल नबन्दा देश त्यसको दुष्परिणाम भोग्न बाध्य : काँग्रेस सभापति देउवा

काठमाडौं । नेपाली काँग्रेस सभापति शेरबहादुर देउवाले राष्ट्रपति र प्रधानमन्त्रीको संस्कार र व्यवहार संविधान अनुकुल नबन्दा देशले त्यसको दुष्परिणाम भोग्न बाध्य भएको बताएका छन् । 

CG Developers Tansen Cement box

गणतन्त्र दिवसको अवसरमा शुभकामना सन्देश जारी गर्दै सभापति देउवाले कुनै देशको राज्य प्रणालीको सफलता र असफलता त्यसको नेतृत्व गर्ने शासकको चरित्र र व्यवहारमा निर्भर हुने बताएका छन् । लोकतान्त्रिक गणतन्त्रको सफलताका लागि हाम्रो शैली र व्यवहार निरन्तर समीक्षाको बिषय बन्दछ र बन्नु पर्दछ भन्ने बताउदैं राष्ट्रपति र प्रधानमन्त्रीकै संस्कार र व्यवहार तदनुकूलको बन्न नसक्दा त्यसको दुष्परिणाम देशले भोगिरहेका उल्लेख गरेका छन् ।

उनले विज्ञप्तीमा भनेका छन्–‘अतः गणतन्त्र दिवसमा यसप्रति गम्भीरता राख्न र यो चुनौती पार गरेर अघि बढ्ने संकल्प गर्न समस्त नेपालीमा अपील गर्दछु ।’ विज्ञप्तीमा भनिएको छ–‘कुनै पनि राज्य प्रणालीको सफलता त्यसको नेतृत्व गर्ने शासकको चरित्र र व्यवहारमा निर्भर हुन्छ । लोकतान्त्रिक गणतन्त्रको सफलताका लागि हाम्रो शैली र व्यवहार निरन्तर समिक्षाको बिषय बन्दछ र बन्नु पर्दछ ।

देशको राष्ट्रपति र प्रधानमन्त्रीकै संस्कार र व्यवहार तदनुकूलको बन्न नसक्दा त्यसको दुश्परिणाम देशले भोग्नुपर्ने हुन्छ र आज हामी त्यो भोगिरहेका छौं । अतः गणतन्त्र दिवसको यो मितिमा यसप्रति गम्भीरता राख्न र यो चुनौती पार गरेर अघि बढ्ने संकल्प गर्न म समस्त नेपालीमा अपील गर्दछु ।’, 

प्रतिक्रिया दिनुहोस