संसद विघटन प्रतिगमन भाग २ भएकोले डटेर प्रतिवाद गरौं : माधव नेपाल

काठमाडौं । नेकपा एमालेका वरिष्ठ नेता माधव कुमार नेपालले संसद विघटन र निर्वाचनको घोषणा प्रतिगमन भाग २ भएकोले डटेर प्रतिवाद गर्न आग्रह गरेका छन् । 

शनिवार बिहान सामाजिक संजाल मार्फत बिचार सार्वजनिक गर्दै नेता नेपालले षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको उल्लेख गरेका छन् । उनले यसलाई प्रतिगमन भाग २ को संज्ञा दिदैं सबैलाई यसको प्रतिवाद गर्नुपर्ने उल्लेख गरेका छन् । 

नेता नेपालले संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उद्घोष जालझेल भन्दै यस्ता षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको बताएका छन् ।

‘प्रतिगमन दोहोरिएको छ, संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल हो’–उनले टिप्पणी गरेका छन्‘ यो व्यवस्था नै कू गर्ने अग्रसरता हो । शीतल निवासले संविधानको मर्मलाई कुठाराघात गरेको छ । यो प्रतिगमन भाग २ हो ।’ उनले भनेका छन्–‘केपी ओलीको यो कदमको भत्र्सना गर्दछु, यसको प्रतिवाद डटेर गर्न आह्वान गर्दछु ।’