भारतमा १८ वर्ष भन्दा माथिका सबैलाई कोरोना विरुद्धको खोप लगाउने तयारी

एजेन्सी । भारतलमा कोरोना भाइरसको महामारी तीव्र गतिमा फैलिँदै गएपछि सरकारले १८ वर्ष भन्दा माथिका सबैजनालाई खोप लगाउने घोषणा गरेको छ । 

भारत सरकारले सोमबार आउँदो मे १ देखि १८ वर्षमाथिका सबै वयश्यक व्यक्तिले कोरोना भाइरसविरुद्धको खोप लगाउने जनाएको छ । सरकारले सबैलाई खोप लगाउने बताएपनि यता  विभिन्न राज्यहरुमा खोपको आपूर्ति पर्याप्त मात्रामा नभएको गुनासो पनि आउन थालेका छन् । 

यस्तो अवस्थामा १८ वर्षमाथिका सबै वयश्कका लागि चाहिने थप खोपको आपूर्ति कसरी गरिने छ भन्ने सरकारले स्पष्ट भने गर्न सकेको छैन । गएको हप्ता भारत सरकारले खोपको दुई करोड ७० लाख मात्रा मात्रै मौज्दात रहेको र हालको खोप अभियानको गति अनुरुप ९ दिनलाई मात्रै पुग्ने बताएको थियो । भारतमा अहिले स्वास्थ्यकर्मीसहित अग्रपंक्तिमा रहेर काम गर्नेहरु तथा ४५ वर्षमाथिका व्यक्तिलाई खोप लगाउँदै आइएको छ।