सर्वदलीय बैठकबारे बाबुरामले भने– चेई नभनी कुकुर पनि कसैको घर जाँदैन

काठमाडौँ । जनता समाजवादी पार्टी (जसपा) को संघीय परिषद्का अध्यक्ष डा बाबुराम भट्टराईले सर्वदलीय बैठकमा आफू नगएको विषयमा व्यङ्ग्य गर्दै भनेका छन्–चेई नभनी कुकुर पनि कसैको घर जाँदैन ।

उनले सर्वदलीय बैठकबारे कुनै औपचारिक निम्तो नपाएको र मिडियाबाट मात्र जानकारी पाएको बताएका छन् । सामाजिक सञ्जालमा उनले लेखेका छन्, ‘चेइ नभनी कुकुर पनि कसैको घर जाँदैन रे ! मिडियाबाट सुनिएको कथित सर्वदलीय बैठकमा प्रम निवासको मिठोमसिनो उदरस्थ गर्न पाइएला भनेर त्यत्तिकै हाम्फालेर जाने कुरा भएन ।

जसपाको आधिकारिक केन्द्रीय कार्यालय बालकुमारी, ललितपुरमा सोध्दा कुनै जानकारी थिएन । पछि मिडियाबाटै सुनियो – एमसीसी बैठक बहिष्कार पो भएछ  ।’