काठमाडौं । नेकपा एमालेको माधवकुमार नेपाल समूहले भोलि शनिबारबाट संगठन विस्तार सुरु गर्ने भएका छन् । संगठनको सुदृढीकरणसम्बन्धी अभियान पनि शनिबार घोषणा हुने भएको छ । वरिष्ठ नेता नेपाल समूहले राष्ट्रिय भेलाबाट पारित भएको ‘राजनीतिक प्रतिवेदन’लाई कार्यकर्तामाझ लैजाने नेता सुरेन्द्र पाण्डेले बताए ।
नेपाल समूहका स्थायी कमिटी सदस्यहरुको शुक्रबार बसेको बैठकले पार्टी उपमहासचिव घनश्याम भुसाल र स्थायी कमिटी सदस्य सुरेन्द्र पाण्डेमाथि गरिएको कारबाही विधानविपरीत भएको माधव नेपाल समूहको जिकिर छ ।
कारबाही पार्टीको नवौं महाधिवेशनबाट पारित विधान विपरित र पूर्वाग्रही भएको नेता योगेश भट्टराईले बताए । उनले भने, ‘केपी ओली एमालेलाई विभाजित गर्न उद्दत हुनुहुन्छ भन्ने पुष्टि भइरहेको छ ।
एमाले अध्यक्ष केपी शर्मा ओलीले बिहीबार नेताद्धय भुसाल र पाण्डेलाई पार्टी सदस्यबाट ६ महिना निलम्बन गर्ने निर्णय गरेका थिए । उनले वरिष्ठ नेता माधवकुमार नेपाल र उपाध्यक्ष भीम रावललाई पनि यही कारबाही गरेका थिए । नेपाल समूहका नेताहरुले भने कारबाहीको कुनै अर्थ नहुने बताइरहेका छन् ।
प्रतिक्रिया दिनुहोस
सफल खबर संवाददाता
शुक्रबार, २० चैत्र २०७७, १६ : ३१
लेखकबाट थप
सम्बन्धित समाचारहरु
माधव नेपाल र ज्ञानेन्द्र शाहीले गरे फिल्ममा अभिनय (तस्वीरहरू)
'चाडपर्वले आपसी सद्भाव बढाउछ : अध्यक्ष नेपाल
एमालेसँगको हिजोको राजनीतिक कटुतालाई बिर्सिएर अघि बढ्न खोज्दैछौँ : माधव नेपाल
प्रधानमन्त्री र अध्यक्ष चाहिएको छैन, सबै कम्युनिष्टहरूलाई मिलाउँछौँ : माधव नेपाल
माधव नेपालको माग पूरा, प्रधानमन्त्रीलाई विश्वासको मत दिने
माधव नेपाल भेट्न सभापति देउवा कोटेश्वर जाँदै