अमेरिकामा बन्दुकधारीले अन्धाधुन्ध गोली चलाउदा एक प्रहरी सहित ६ जनाको मृत्यु

एजेन्सी । अमेरिकाको कोलोराडोमा बन्दुकधारीले अन्धाधुन्ध गोली चलाउँदा एक प्रहरी अधिकारीसहित कम्तीमा ६ जनाको ज्यान गएको छ । बन्दुकधारीले  स्थानीय सुपरमार्केटमा गोली चलाउदा उनीहरुको मृत्यु भएको छ । 

बोउल्डरमा रहेको किङ्ग सूपर ग्रोसरी स्टोरमा स्थानीय समय अनुसार सोमबार एक बन्धुकधारीले अन्धाधुन्ध गोली चलाएको स्थानिय संचारमाध्यमले उल्लेख गरेका छन् । प्रहरीले ज्यान गुमाउनेको संख्या सार्वजनिक नगरे पनि अनुसन्धानमा संलग्न स्रोतलाई उद्धृत गर्दै द डेली क्यामराले घटनामा एक प्रहरी अधिकारीसहित कम्तीमा ६ जनाको ज्यान गएको उल्लेख गरेको हो ।

बन्दुकधारीलाई पक्राउ गरिएको र चोट रहेकाले उपचार हुँदै गएको बोउल्डरका काउन्टी जिल्ला न्यायाधीवक्ता माइकल डोगर्टीले बताएका छन् । आरोपित आक्रमणकारी पनि गम्भीर घाइते रहेको उनले बताएका छन् ।