प्रतिनिधि सभाको बैंठक आज बस्दै, संवैधानिक परिषदसम्बन्धी अध्यादेश पुनः पेश हुने

काठमाडौं । प्रतिनिधि सभाको बैठक आज दिउँसो बस्दैंछ । संसद सचिवालयले अनुसार बैठक बुधबार दिउँसो एक बजे बस्ने जनाएको छ ।  प्रतिनिधि सभा बैठकमा सात वटा अध्यादेश पेस हुने र बहालवाला तथा पूर्वसांसदको निधनमा शोक प्रस्ताव पेस हुने सम्भावित कार्यसूची रहेको छ ।
यसअघि सोमबारको बैठकमा पेस भएर पारित हुन नसकेका विधेयकहरु आजको बैठकमा पनि पेस हुने संसद सचिवालयले जनाएको छ । सोमबारको बैठकमा विपक्षी दलहरुको विरोधका बाबजुद संवैधानिक परिषदसम्बन्धी अध्यादेश पेस भएको थियो ।

सो विधेयक संविधानसँग बाझिएको भन्दै संसदबाट पारित गर्न नदिने रणनीति विपक्षी दलहरुले बनाएका छन् । नेपाली कांग्रेस, माओवादी केन्द्र, जसपासहितका सांसदहरुले अध्यादेश संविधानसँग बाझिएको भन्दै यसअघि नै विरोधको सूचना दर्ता गराएका छन् ।