अफगानिस्तानको हेल्मन्डमा आठ जना विद्रोही मारिए

एजेन्सी

मंगलबार, ११ फागुन २०७७, १४ : ११
अफगानिस्तानको हेल्मन्डमा आठ जना विद्रोही मारिए

file Photo

अफगानिस्तान । अफगानिस्तानको दक्षिणी हेल्मन्ड प्रान्तमा सेनाले गरेको कारबाहीमा कम्तीमा आठ जना तालिबान विद्रोहीको ज्यान गएको सेनाले जनाएको छ । 

Yeti Diistillery Tansen Cement box

हेल्मन्ड प्रान्तको नहर–ए–सराज जिल्लामा विद्रोहीहरु लुकेर बसेको भन्ने सूचनाका आधारमा सोमबार राति सेनाले कारबाही गरेको थियो । सेनाको हवाई कारबाहीमा आठ लडाकूको घटनास्थलमै मृत्यु भएको थियो ।

सेनाले देशभित्र सशस्त्र विद्रोही समूह देखे जुनसुकै बखत कारबाही गर्ने जनाएको छ । 

हेल्मन्ड प्रान्तमा सक्रिय रहेको तालिबान समूहले भने कुनै प्रतिक्रिया जनाएको छैन । (रासस–सिन्ह्वा)