ओलीले आकाशतर्फ हेरेर थुके : वरिष्ठ नेता पौडेल

काठमाडौं  । कांग्रेस वरिष्ठ नेता रामचन्द्र पौडेलले प्रधानमन्त्री केपी शर्मा ओलीले आकाशतर्फ हेरेर थुकेको बताएका छन् ।

नेपाल प्रेस युनियन सुनसरीले आइतबार गरेको अन्तर्क्रियामा नेता पौडेलले ओलीले अदालतबाट प्रतिनिधिसभा विघटनको कदम सदर नभए आन्दोलन गर्ने अभिव्यक्ति धम्की र आतेस दुवै भएको बताए ।

सर्वोच्च अदालतले संसद् पुनस्स्थापना गर्न लागेपछि प्रधानमन्त्री केपी शर्मा ओली आत्तिएको उनको भनाइ थियो । उनले प्रधानमन्त्री ओलीले प्रतिनिधिसभा पुनःस्थापित भए विकृति आउँछ भन्दै दिएको अभिव्यक्तिलाई आकाशतर्फ हेरे थुकेको उपमा दिए ।

पौडेलले नेतृत्वका कारण कांग्रेस लोकतन्त्र र संविधानको रक्षमा खरो उत्रन नसकेको पनि स्वीकार गरे । ‘म प्रतिनिधिसभामा छैन । मलाई प्रतिनिधिसभा पुनः स्थापनाबाट कुनै लाभ पनि छैन । तर विधि रक्षाका लागि कांग्रेसको स्थापना भएको होइन रु विधि रक्षा हुन सकेन भने देशलाई कांग्रेस किन चाहियो रु पौडेलले भने,  ‘त्यसैले पहिला संविधान र लोकतन्त्र जोगाऔं । अनि चुनाव गरौंला । सरकार पनि बनाउँला ।’