दोलखामा खुकुरी प्रहार गरि श्रीमानले गरे श्रीमतीको हत्या

काठमाडौं । दोलखामा एकजना महिलाको हत्या भएको छ । कालिञ्चोक गाउँपालिका–६ मा श्रीमानले श्रीमतीको हत्या गरेक हुन् । हत्या गरेको  अभियोगमा २७ वर्षीया हिमाल थामी पक्राउ परेका छन् । 

जिल्ला प्रहरी कार्यालय, दोलखाका प्रमुख डीएसपी भेषराज रिजालले शुक्रबार राति २ बजे खुकुरी प्रहार गरी हत्या गरिएको पाइएको बताए । प्रहरीलाई खबर आउने बित्तिकै खोजतलासको क्रममा कालिञ्चोक ७ मा लुकेर भाग्दै गर्दा आज बिहानै उनलाई थामीलाई पक्राउ गरिएको प्रहरीले जनाएको छ । 

श्रीमती २३ वर्षीया सुनिता थामीको शवलाई पोष्टमार्टमका लागि जिल्ला अस्पताल, दोलखा पठाउने तयारी गरिएको छ । हाल पारिवारिक विवादमा घटना भएको हुनसक्ने आशंका गरिए पनि थप अनुसन्धान जारी छ ।