प्रधानमन्त्री ओली आज निर्वाचन आयोग जाँदै

निर्वाचन तयारी र आफ्नो पार्टी नेकपाभित्रको विवाद लगायतका विषयमा कुराकानी गर्न प्रधानमन्त्री केपी शर्मा ओली मंगलबार निर्वाचन आयोग जाँदैछन् ।

आयोगले यसअघि नेकपाका दुबै शीर्ष नेतालाई छलफलका लागि बोलाएको थियो तर दुबै पक्षले आफ्ना प्रतिनिधिमात्रै पठाएका थिए । 

लगत्तै पार्टीको आधिकारिता दावी गर्न नेकपाका प्रचण्ड र माधव नेपाललगायतका नेताहरु आयोग पुगेका थिए । 
प्रधानमनत्री ओली भने पार्टीमा विवाद सुरु भएपछि आयोग गएका छैनन् । ओली जसरी पनि निर्वाचनमा जानुपर्ने पक्षमा छन् ।

यसैक्रममा उनी चुनावका कार्यक्रमलगायतमा ध्यानाकर्षण गराउन आयोग जान लागेको कान्तिपुर दैनिकमा खबर छापिएको छ ।