चिनेजानेकैबाट दार्चुलाकी १७ वर्षीया किशोरीको हत्या भएको आशंका

पत्रपत्रिकाबाट

आइतबार, २५ माघ २०७७, ०७ : ३७
चिनेजानेकैबाट दार्चुलाकी १७ वर्षीया किशोरीको हत्या भएको आशंका

कान्तिपुर दैनिकले बैतडीमा १७ वर्षीया किशोरीको हत्या भएको समाचारलाई पहिलो पृष्ठमा छापेको छ ।

दोगडाकेदार–७ चडेपानीकी भागरथी भट्टको हत्यापछि शोकमा रहेको परिवार घटनामा संलग्न उम्केलान् भन्ने चिन्ताले पिरोलिन थालेको छ ।

राजनीतिक चलखेल पनि हुने आशंका गर्दै परिवारजनले अपराधीलाई जतिसक्दो छिटो पक्राउ गर्न माग गरेका छन् । ‘हत्यारालाई छिटो पत्ता लगाएर कडा कारबाही गर्नुपर्छ,’ भागरथीकी आमा दुरा भट्टले भनिन् । परिवारले निर्मला पन्तको घटनाजस्तो नहोस् भन्नै चाँडै अपराधी पत्ता लगाउन माग गरेका छन् । 

सोही पत्रिकाले भट्टको हत्या परिचित व्यक्तिबाटै भएको आशंका अनुसन्धानमा संलग्न अधिकारीहरूले गरेका छन् । घटनास्थलबाट मोबाइलसहित अनुसन्धानका थुप्रै ‘क्लु’ फेला परेकाले अपराधीको नजिक पुगिसकेको उनीहरूको भनाइ छ ।