चितवन । भरतपुर महानगरपालिकामा भूमि सम्बन्धी समस्या समाधान आयोग अन्तर्गतको लगत संकलन ईकाईको स्थापना गरिएको छ । कार्यालयमा स्थापना गरिएको लगत संकलन ईकाइको भरतपुर महानगर प्रमुख रेनु दाहालले उद्घाटन गरिन् ।
महानगर प्रमुख रेनु दाहालले कार्यलय उद्घाटन गरेसंगै अब महानगरले औपचारिक रुपमा भूमि समस्या समाधानका लागि काम थालेको हो । महानगरले ईकाई अन्तर्गतका कर्मचारीका लागि अभिमुखीकरण समेत प्रदान गरेको छ ।
देशैभरका भूमिहिन र अव्यवस्थित बसाई बसिरहेकाहरुको समस्या समाधानका लागि नेपाल सरकारले देवी ज्ञवालीको अध्यक्षतामा भूमि सम्बन्धी समस्या समाधान आयोग गठन गरेको थियो । सोही आयोगले अहिले जिल्लामा समेत पूर्णता पाएको छ ।
महानगरले पनि भूमिहीनका समस्या समाधानका लागि कर्मचारी भर्ना गरी लगत संकलन थालेको हो । भरतपुर महानगरभित्रका सबै भूमिहीनको समस्या समाधान गर्ने आफूहरुको चुनाबी घोषणा नै रहेको र त्यसलाई पूरा गर्न महानगरले कार्यालय स्थापना गरी काम थालनी गरेको महानगर प्रमुख रेनु दाहालले बताइन् । आफ्नो कार्यकालभित्रै महानगरका सबै भूमिहीनको समस्या समाधान गरिने मेयर दाहालको भनाई छ ।
कर्मचारीले फिल्डमा पुगेर लगत संकलन गर्ने संकलित लगतको आधारमा आफूहरुले भूमि समस्या समाधान गर्ने दाहालको भनाई छ । आउँदो असार मसान्तभित्रैमा लगत संकलन गर्ने र छिटोभन्दा छिटो पुर्जा हस्तान्तरण गर्ने उनले प्रतिवद्धता जनाइन् ।
कार्यक्रममा महानगर उपप्रमुख पार्वती शाह ठकुरीसहित वडाका जनप्रतिनिधिहरुको सहभागिता रहेको थियो ।
प्रतिक्रिया दिनुहोस
प्रकाश सिग्देल
शुक्रबार, २३ माघ २०७७, १५ : ५५
लेखकबाट थप
सम्बन्धित समाचारहरु
सर्वसाधारणको लागि खुला हुँदै दियालो बंगला, सञ्चालनको जिम्मा भरतपुर महानगरलाई
भरतपुर भ्रमण वर्ष सफल पार्न प्रमुख दाहालको आग्रह
मेयर रेनु दाहाल लन्डनमा ‘अन्तर्राष्ट्रिय मेयर अवार्ड’ थाप्दै
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति
आगामी कार्यभार भरतपुरमा उद्यमशिलताको विकास : प्रमुख दाहाल
भरतपुरमा दुई वटा डिप बोरिङ र १८ वटा स्यालो ट्युबेलको उद्घाटन