काठमाडौं । नेकपाको दुवै पक्षलाई निर्वाचन आयोगले छलफलको लागि बोलाएको छ । आयोगका प्रवक्ता राजकुमार श्रेष्ठका अनुसार शुक्रबार विहान साढे ११ बजे छलफलका लागि बोलाइएको हो । आयोगले नेकपाका अध्यक्ष केपी शर्मा ओलीसहित पार्टीका ५ जना प्रतिनिधि र र पुष्पकमल दाहाल प्रचण्डसहित पार्टीका ५ जना आधिकारिक व्यक्तिलाई बोलाएको हो ।
केपी शर्मा ओली र पुष्पकमल दाहाल प्रचण्डलाई छुट्टाछुट्टै पत्र पठाएर छलफलका लागि बोलाइएको हो । आगामी निर्वाचन प्रयोजनका लागि दल दर्ता गर्न सूचना प्रकाशन गर्ने समय आउन लागेकाले त्यस विषयमा छलफल गर्न आयोगले बोलाएको हो । निर्वाचनसम्बन्धी कानुनमाथि छलफल र निर्वाचनको तयारीका विषयमा पनि छलफल हुनेछ ।
नेकपाको दुईवटै पक्षले आफूलाई नेकपाको आधिकारिक दावी गर्दै आएका छन् । निर्वाचन आयोगले नेकपाका अध्यक्ष केपी शर्मा ओली र पुष्पकमल दाहाल प्रचण्ड अध्यक्ष रहेको एकमात्र नेकपालाई आधिकारिक भएको जनाएको छ । आयोगमा दिएको निवेदनमा दुबै पक्षको दावी नपुग्ने भन्दै विवादअघिको नेकपालाई आधिकारिक भनेको छ ।
_20251024072916.jpg)
प्रतिक्रिया दिनुहोस
सफल खबर संवाददाता
विहीबार, १५ माघ २०७७, १४ : ४६
लेखकबाट थप
सम्बन्धित समाचारहरु
प्रतिनिधिसभा चुनावमा स्वस्तिक छाप र मतपत्र छाप्न आवश्यक कागज पुग्दो छ: निर्वाचन आयोग
निर्वाचनमा साढे ७ अर्ब खर्च हुने आयोगको अनुमान
दर्ता भएका १२४ दलको सूची सार्वजनिक
दलको संख्या १२४, थप १७ पार्टी दर्ता प्रक्रियामा
राष्ट्रपति पौडेलसमक्ष निर्वाचन आयोगको प्रतिवेदन पेस
राजनीतिक दलद्वारा शान्ति सुरक्षा र भयरहित निर्वाचन गर्न निर्वाचन आयोगको ध्यानाकर्षण