भारतमा जिटेलिनसहितको ट्रकमा विष्फोट हुँदा ८ जनाको मृत्यु

एजेन्सी । भारतको कर्नाटकमा ट्रकमा बिस्फोट हुँदा ८ जनाको ज्यान गएको छ । शिवमोगा जिल्लामा बिहीबार राति ट्रकमा बिस्फोट भएको र त्यसमा ज्यान गुमाउनेको संख्या यो भन्दा पनि बढ्न सक्ने सञ्चारमाध्यमले जनाएका छन् ।

जिटेलिनसहितको ट्रकमा मजदुर पनि सवार रहेको खुलेको स्थानीय प्रहरीले बताएको छ। राति साढे १० बजेतिर भएको बिस्फोटको आवाज छिमेकी चिकमंगलुरु जिल्लासम्म सुनिएको थियो । कम्तिमा पनि ५० डाइनामाइट ब्लाष्ट भएको त्‍यहाँका स्थानीयहरुले दाबी गरेका छन्।

जसका कारण आसपासका घरका शिशा समेत फुटेका छन्। उक्त विष्फोटको गन्ध भने ८ देखि १० किलोमिटरसम्‍म महसूस भएको थियो। भारतीय प्रधानमन्त्री नरेन्द्र मोदीले शवमोगा विस्फोटमा मृत्‍यु भएकाप्रति दुस्ख र मृततका परिवारप्रति समवेदना व्‍यक्त गरेका छन्।  साथै घाइतेहरुलाई राज्‍य सरकारले राहत दिने आश्वासन दिएका छन्।