कांग्रेसले संसद विघटनविरुद्ध माघ ३ गते देशभरका गाउँ नगरमा प्रदर्शन गर्ने

सफल खबर संवाददाता

विहीबार, ०१ माघ २०७७, १५ : ५७
कांग्रेसले संसद विघटनविरुद्ध माघ ३ गते देशभरका गाउँ नगरमा प्रदर्शन गर्ने

काठमाडौं । ओली नेतृत्वको सरकारले गरेको प्रतिनिधिसभा विघटनको असंवैधानिक र अलोकतान्त्रिक कदमका विरुद्धमा कांग्रेसले देशभरका गाउँ नगरमा प्रदर्शन गर्ने भएको छ ।

Yeti Diistillery Tansen Cement box

यही माघ ३ गते देशभरका गाउँ नगरमा प्रदर्शन गर्न लागेको हो । यसअघि पनि कांग्रेसले देशभरका १६५ वटा निर्वाचन क्षेत्रमा प्रदर्शन गरेको थियो।
संसद विघटनविरुद्ध मुद्दाको सुनुवाइ सर्वोच्च अदालतको संवैधानिक इजलाशमा जारी छ। अदालतको अन्तिम निर्णय नै कांग्रेसलाई मान्य हुने सभापति शेरबहादुर देउवाले बताएका छन्। 

जुटौं संसद विघटनको असंवैधानिक कदमका विरुद्धमा उठौं लोकतान्त्रिक संविधान रक्षाका पक्षमा नारा लिएर गाउँ नगरमा प्रदर्शन गर्ने कांग्रेसले जनाएको छ। पुस ५ गते मन्त्रिपरिषद बैठकको सिफारिसमा राष्ट्रपति विद्यादेवी भण्डारीले संसद विघटन गरेपछि कांग्रेस सडक आन्दोलनमा छ । 

प्रतिक्रिया दिनुहोस