ओली आफैँ संसद छाडेर भागेको भगौडा : गगन थापा

काठमाडौं । नेपाली कांग्रेसका नेता गगन थापाले प्रधानमन्त्री केपी शर्मा ओली आफैँ संसद छोडेर भागेका भगौडा भएको बताए । 

संसद विघटनको विरोधमा आयोजित प्रदर्शनलाई सम्बोधन गर्दै थापाले  भने, ‘संसदको सामना नगर्ने र विघटन गर्नेलाई भगौडा नभनेर अरु के भन्ने ? उनले अघि भने, ‘प्रधाननमन्त्री क्रान्तिकारी होइन, संसद छोडर भागेको भगौडा हुन् ।’

थापाले संसद विघटनलाई असंवैधानिक भन्नेहरुलाई संविधान पढ्न आग्रह गरेका थिए । थापाले ओलीलाई खुलामञ्चमा संविधान पढ्न आउन चुनौती दिए । उनले अघि भने, ‘कमरेड ओली आउनुस्, खुलामञ्चमा बहस गरौं । तपाई मैदान छाडेर लुकेर बस्ने सुवास नेम्वाङलाई लिएर आउनुस्, हामी संविधान ढोगेर जारी गर्ने रामवरण यादवलाई लिएर आउँछौं, खुलामञ्चमा जनताको बीचमा संविधान पढौं ।’