विद्यालयमा आगलागी हुँदा चार लाख बढीको क्षति

काठमाडौं । दोधारा चाँदनी नगरपालिका–१ चाँदनीमा रहेको महाकाली आदर्श माध्यमिक विद्यालयमा आज  आगजनी हुँदा रु चार लाख बढीको क्षति भएको छ ।

आगजनीबाट विद्यालय भवन र भण्डारण गृहमा राखिएका बेञ्च, डेस्क, कुर्सीलगायत सामग्री जलेर नोक्सानी भएको जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापा क्षेत्रीले जानकारी दिनुभयो ।

विद्यालयमा आगजनी भएपछि स्थानीय बासिन्दा, जनप्रतिनिधि र प्रहरीको सहयोगमा दमकलको प्रयोग गरी आगलागी नियन्त्रण गरिएको उहाँले बताउनुभयो । “विद्यालयमा आगलागीबारे अनुसन्धानको कार्य भैरहेको छ”, उहाँले भन्नुभयो, “अहिलेसम्म आगलागी हुनुको कारण खुल्न सकेको छैन ।”