इजलास गठन मिलेन : बरिष्ठ अधिवक्ता दिनेश त्रिपाठी

तपाईं सधैँ संवैधानिक इजलासमा बहस गर्न आउने बरिष्ठ अधिवक्ताले यस्तो भन्न मिल्छ ? : प्रधानन्यायाधीश राणा

रासस

शुक्रबार, १० पुस २०७७, १३ : ००
इजलास गठन मिलेन : बरिष्ठ अधिवक्ता दिनेश त्रिपाठी

काठमाडौं । प्रतिनिधि सभा विघटनविरूद्ध परेका रिटहरूको सुनुवाइ गर्न सर्वोच्च अदालतले गठन गरेको संवैधानिक इजलासमै बरिष्ठ अधिवक्ता दिनेश त्रिपाठीले इजलास गठन  नमिलेको बताएका छन् ।

Yeti Diistillery Tansen Cement box

संवैधानिक इजलासमै वकिलहरूले  प्रश्न उठाएकापछि त्रिपाठीले इजलास नमिलेको बताएका हुन् । त्रिपाठीले प्रश्न उठाएपछि प्रधानन्यायाधीश चोलेन्द्रशमशेर राणाले इजलासलाई लिएर शंका गर्न नमिल्ने बताए।

‘तपाईं सधैँ संवैधानिक इजलासमा बहस गर्न आउने बरिष्ठ अधिवक्ताले यस्तो भन्न मिल्छ? यसरी प्रश्न गर्ने हो भने हामी सबै उठेर गए हुन्छ। त्यसपछि के हुन्छ ?’ राणाले भने। 

अहिले ती रिटहरूमा सुनुवाइ भइरहेको छ। रिटको सुनुवाइका लागि प्रधानन्यायाधीश राणाले आफूसहित पाँच जनाको इजलास बनाएका थिए। 

इजलासमा राणासहित न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन्।