जिप दुर्घटनामा दुईजनाको मृत्यु

गलकोट । बागलुङको बडिगाड गाउँपालिकामा आज बिहान पिकअप जिप दुर्घटना हुँदा दुईजनाको मृत्यु भएको छ । 

ग्वालिचौरतर्फ जाँदै गरेको लु.१द ४३७० नम्बरको जिप बडिगाड ६, सुरखुरेमा दुर्घटना हुँदा अन्दाजी २२ वर्षीया टेकमाया रोका र उनका १ वर्षीय छोराको मृत्यु भएको छ ।  

दुर्घटनामा अन्दाजी ६० वर्षीया मनकुमारी रोका घाइते भएको इलाका प्रहरी कार्यालय बुर्तिबाङ प्रहरी चौकीका इन्चार्ज (प्रहरी निरीक्षक) प्रकाशसिंह भण्डारीले जानकारी दिए । भण्डारीका अनुसार जिपमा सामान लाद्‌ने क्रममा आफैं गुड्दा दुर्घटना भएको हो ।

उद्धारका लागि प्रहरी घटनास्थलमा पुगेको छ । चालक रविलाल बुढाले सामान लाद्‍ने क्रममा जिप अचानक गुडेको थियो । चालक भने सकुशल रहेको प्रहरीले जनाएको छ ।