नेकपाका महासचिव विष्णु पौडेल किन पुगे प्रचण्ड निवास खुमलटार ?

काठमाडौँ । सत्तारुढ दल नेकप भित्र विवाद चर्किदै गईरहेको बेला समस्या समाधानका लागि खुमलटटार पुगेर नेकपा महासचिव विष्णु पौडेलले पुष्पकमल दाहाल प्रचण्डसँग भेट गरेका छन् । अर्थमन्त्री समेत रहेका  महासचिव पौडेल नेकपा अध्यक्षका अर्का केपी शर्मा ओलीको सन्देश लिएर अध्यक्ष दाहालसंग परामर्शका लागि पुगेको श्रोतको दाबी छ । 

विवाद समाधानको लागि ओलीको दूत बनेर महासचिव पौडेल आज खुमलटारमा अर्का अध्यक्ष प्रचण्ड निवास गएर छलफल गरेका छन् ।  उनीहरुबिच विवाद समाधानको प्रयासबारे भएपनि थप के कस्ता कुरा भए भन्ने विषयमा केही पनि खुलाईएको छैन् । 

प्रधानमन्त्री ओली पक्षले प्रचण्डले गएको शुक्रबार सचिवालय बैठकमा पेश गरेको प्रस्ताव फिर्ता भएपछि मात्रै मंसिर ३ गते निर्धारित सचिवालय बैठक बस्ने अडान लिएको छ । ओलीले यसअघि हिजो प्रचण्ड पक्षका माधव नेपाल र बामदेव गौतमलाई बालुवाटार बोलाएर छलफल गरेका थिए।