प्रधानमन्त्री ओलीले अकस्मात राष्ट्रपतिलाई भेट्दै

काठमाडौँ । प्रधानमन्त्री केपी शर्मा ओली अकस्मात राष्ट्रपतिलाई भेट्न शीतल निवासतर्फ जाने तयारी गरेका छन् ।

नेकपाभित्रको विवाद झनै उत्कर्षमा पुगिरहेको बेला प्रधानमन्त्री ओली राष्ट्रपति विद्यादेवी भण्डारीलाई भेट्न जाने तयारी गर्नुलाई चासोको रुपमा हेरिएको छ । प्रधानमन्त्री ओली अबको केही समयपछि रास्ट्रपति भवन शीतल निवास जाँदैछन् । 

आज कुकुर तिहार र लक्ष्मीपूजाको दिन शीतलनिवासमा औपचारिक कार्यक्रम केही पनि छैन । अर्का अध्यक्ष पुष्पकमल दाहाल प्रचण्ड र वरिष्ठ नेता माधव नेपाल इतरका केही नेता भने शितल निवास गइसकेका छन् । 

प्रधानमन्त्री ओलीले पार्टीमा चर्को विवाद भइरहँदा अचानक किन राष्ट्रपतिलाई भेट्न गएका हुन् भन्ने विषय अन्यौल नै रहेको छ ।